Täl nedalil minei tuli oza tundištoitmahas koumen mehenke Francijan maspäi. Heiden nimed oma Gijon Žeber, Bernar da Pjer. Üks’ heišpäi openzi eskai vepsän kel’t iče da tuli Karjalan male, miše vastatas vepsläižidenke da pagišta heidenke vepsäks. Ühtes Maria Filatovanke, tv-toimitajanke mö läksim Šoutjärvehe vastusele verhiden adivoidenke da tozi olim ihastusiš, miččed hö oma hüväd, avonaižed ristitud. Gijon, kudamb mahtab pagišta vepsäks, kodimal om francijan kelen opendai. Melentartuz’ vepsän kel’he da vepsän rahvahaze sündui hänel kaks’ vot tagaze. Kut nece oli, Gjon sanub iče.
