Kaleig om vanh vepsläine posad. Se seižub Karjalas Änižröunas sadas kilometras Petroskoišpäi. Kaleig om pit’k posad, se om läz nel’l’ad kilometrad, kus om Karjer, Ropei, Čureine, Ozrei, Klimein, Koiranmättaz, Pagast. Kaleig-posadas johtutadas Piscovijas kirjas völ vodel 1496. Posadale om enamb 500 vot. ”Povest vremennih let” — aigkirjois om sanutud, miše vepsläižed tuliba elämaha Kaleigehe XIV. voz’sadal Prisvirjaspäi. Korktoil Änižjärven randoil hö zavodiba rata mal, pidäda živatoid, leta pertid da eläda. Meiden radiopaginas oma Kaleig-posadan eläjad, hö starinoičeba enččes da nügüdläižes külän elos.