Karjalas tämä vuozi on ilmoitettu Kalevalan vuvvekse. Tuhukuul rodih 170 vuottu Kalevalan uvvistetun painoksen ilmestyndäs. Kymmene vuottu tagaperin, se vuonnu 2009, ilmoile piäzi Kalevala eeposan kiännös livvin murdehel. Sen kiändäjänny on kotkatjärveläine naine, kirjuttai da kiändäi Zinaida Timofejevna Dubinina. Naine mielihyväl kerdoi omas ruavos da kiännöksen merkičykses karjalazien elaijas.
