KANMAN MUŽIKOIDEN PRAZNIKPÄIVÄD

  • от редакции
  • 18.02.2021
  • 188

KANMAN MUŽIKOIDEN PRAZNIKPÄIVÄD
23. päiv uhokud jo amu tegihe kaikiden mužikoiden praznikpäiväks Venämal. No vähän ken tedab, miše necil praznikal om amuine istorii. Se zavodihe läz 100 vot tagaze, konz meiden man pämez’ allekirjuti käskön — kerata kaikid mužikoid armijaha. Ezmäine keraduzsija avaitihe Petrogradas. Ei muga äi tahtnikoid tuli siloi armijaha, sikš ku niken ei tedand, min täht pidab sinna tulda, midä tehta. Suren voinan aigan armijaha tuliba kaik – vägevad mužikad da vagetomad dedad. Kaik hö tahtoiba kaita ičeze kodimad vihanikoišpäi. Armijan vägi väl’dui vaiše jäl’ghe voinad, kaikile mužikoile tarbiž oli abutada leta lidnoid da posadoid. Väčeslav Gerčin Šoutjärvespäi da Mihail Pidžakov Šokšuspäi oma sovetskijan armijan soldatad. Hö oliba službal koume polenke vot 50-vozil. Tämbei hö molembad oma meil adivoiš. Hö tahtoiba starinoita norile, mitte čoma da hüvä oli heiden služb armijas da mihe se openzi heid siloi. Suren voinan aigan kaičijoiden keskes oli äi akoid-ki. Polina Polikarpovnad L’ovkinad Šoutjärven külän eläjad jo ei ole hengiš, no hänen muštlosed voinas kaitas Karjalan radion arhivas.