Karjalan radio varustuu pidämäh omua suurdu sadavuodistu merkipäiviä. Meijän programmois myö mustelemmo Karjalan radion histouriedu da rahvastu, kuduat ruattih radivos. On ilomieli, gu Karjalan radivon merkipäivän rinnal, omua suurdu 80-vuodistu jubileidy nämil päivil pidäy meijän endine toimittai Priäžän piirin Korzan kylän karjalaine Nikolai F’odorovič Nazarov. I täl kerdua minä kučun paginale Nikolai F’odorovičua. Nikolai Nazarov kaksikymmen kaksi vuottu oli Karjalan radion toimittajan leivis. Hänen čoma da madal iäni toi äijän hyviä mieldy rahvahal, ket alallleh kuunneltih karjalan radivuo.
