Enzimäine karjalaine kieliluageri ruadoi Vieljärves Karjalan kielen kois. Viizi päiviä lapset, kazvattajat da tuliet karjalan kielen opastajat kylbiettih karjalastu kielikylyy. Luageri piettih Karjalaine rokotus -projektan avul, kudaman työnytti Priäžän piirin Elämä-etnokul’tuurukeskus. Salbajazis rodih vessel da yhtelaigua vähäzel igävy pruazniekku, ku lapsil da vahnembil ei himoitannuh erota toine toizes.