18.09.2017

  • от редакции
  • 19.09.2017
  • 120

19. päivänny oraskuudu täydyi jo 95 vuottu kui oli perustettu Vladimir Leninan — nimine Nevvostoliiton pionierujärjestö. Onnuakko kaikin, vahnat daigi keskiigähizet rahvas, puaksuh mustellah omua pionierois olenduaigua: sl’otat, pohodat, kižat, pitkät paginat da pajot robl’on luo. Kui oli vessel da hyvä eliä sillozil lapsil. Ruadua, luadie hyviä da avvuttua toizil — sih opasti školaniekkoi partii. Enne hyvih dieloloih da ruadoloih niškoi oldih moizet koitgi – pionieroin taloit, kunne lapset hyväl mielel juostih urokoin jälles. Tänä vuon endine Anuksen pionieroin taloi, a nygöine Ližäopastuksen keskus täytti 65 vuottu. I hos piäpruazniekku jo meni, yhtelläh, rahvahal on midä musteltavua sit talois. Mustelemmo myögi Anuksen pionierutaloin istouriedu.