Ei amu Barenc evroarktižen region, kuna mülüb Norvegijan, Švecijan, Suomen mad da mugažo meiden Venäma, pidi Igähižiden rahvahiden III Sammitan. Vepsläižed, nencad da saami-rahvaz vasttihe onlain-formatas internetan kal’t da starinoitihe päivänteraližiš azjoiš. Vepsläižid Karjalaspäi oli Sammital läz 20 mest. Heiden keskes školiden pämehed, vepsän kelen opendajad, lapsiden kacujad, radio- da teleradnikad, tedomehed, Vepsän kul’tursebran aktivistad. Vastusele tuliba Rahvahaližen da Regionaližen politikan ministerstvan da Änižröunan openduzerišton radnikad-ki. Min polhe oli pagin, sanub Petroskoin universitetan vepsän kelen opendai, tedokandidat Olga Žukova.