Kalevala om epine runopoem, miččen tegii om Elias Lönnrot. Hän tegi sen karjalaižiden da suomalaižiden vanhoiden runoiden pohjal. Kalevalas om 50 runopajod, miččid kirjuti rahvahaspäi da kogozi ühthe poemaha Elias Lonnrot. Tämbeižeks päiväks Kalevala om kätud jo 60 kel’he. Om Kalevala vepsän-ki kelel. Sen lühüdan versijan vodel 2003 kändi vepsän kel’he kel’tedomez’ Nina Zaiceva. Nügüdläižel aigal Nina Zaiceva tegeb kaiken Kalevala-kirjan kändmižen. Kut mäneb nece rad, om-ik mel’he se Nina Zaicevale, hän starinoičeb iče.